produc / ofertes / sorvisc
La ciasa dles uniuns da S. Ciascian é stada fata sö ti agn 1995-1996. Ai 6 de setëmber 1996 se abina i rapresentanc dles uniuns da S. Ciascian pur l’prüm iade tl gran salf pur mët in funziun la Ciasa. La festa d’inauguraziun é stada fata ai 13 de lugio 1997 cun presënza dl Presidënt dla Provinzia Luis Durnwalder, dla Junta de Comun, dles delegaziuns di stüdafüch dla Val de Puster, di rapresentanc dla cultura y de düta la comunité da S. Ciascian.
Dan l’entrada dla Ciasa l’Presidënt L. Durnwalder à sentè n lëgn (n aier) sciöche sëgn che les uniuns y la comunité da S. Ciascian y dl Comun de Badia à sëgn na poscibilité implö pur crësce y se svilupé cun chësta bela strutüra nöia.
Cun na delibera di 3 de lugio 1997 l’cunsëi de comun batiëia la ciasa dles uniuns da S. Ciascian cun l’inom “Ciasa Jan Batista Rinna”, personalité vita dal 1764 al 1846 y stè governadù de Gorize y sciöche rapresentant de Viena comisser de Istria, Dalmazia y Albania.
Assessur responsabl por la ćiasa dles uniuns a San Ciascian é Pescollderungg Thomas, verdaćiasa Corrado Granruaz (Tel. +39 389 585 5396 ).
Dötes les domandes por l’ anuzamënt dla ćiasa «J.B. Rinna» é da adressè al comun de Badia – a mans de Pitscheider Lucia - o po gní menades por mail a: info@comune.badia.bz.it .
Formulars y informaziuns:
Domanda por l'anuzamënt dla çiasa Jan Batista Rinna
Preise laut Beschluss des Gemeindeausschusses Nr. 155 vom 07.08.2017