produc / ofertes / sorvisc

Da mez otober 2004 incà é la ciasa de cultura a La Ila in funziun. Cun l aiüt determinant dl Arch. Osvald Valentini y la desponibilité dles dites apaltantes ela jüda da arjigné ca la ciasa adora assá por la data preodüda por l’ inauguraziun. Tröpa prominënza, danter chisch le presidënt dla junta provinziala Luis Durnwalder y l’ assessur ai laurs publics Florian Mussner, s’ á onorè cun süa prejënza. Bel plan s’ á ince destudé ia les critiches söl aspet estetich dla ciasa che ti á lascè lerch a n gran lalt por la funzionalità de sü locai. Vigni ann èl desvalies manifestaziuns sciöche conzerc, teatri, mostres, proieziuns cinematografiches y reuniuns culturales y de formaziun co vëgn organsiades ti locai tla ciasa de cultura a La Ila. N’ arichimënt particolar è ince la biblioteca che é daverta le mertesc dales 9 ales 12 y dales 15 ales 18, le mercui dales 9 ales 12, la jöbia dales 9 ales 12 y dales 15 ales 18 y le vëndres dales 9 ales 12.
La ciasa é resservada soradöt por iniziatives culturales, mo ala po ince gní adorada por d’ atri fins plö comerziai, sciöche prejentaziuns de aziëndes, iniziatives turistiches y d’ atres.

Le surastant dla ćiasa de cultura da La Ila é l’ assessur Pedevilla Christian, verdaciasa sig.ra Costa Maria Cristina (Tel. +39 335 105 0409 ).
Dötes les domandes mëss gni adressades al comun de Badia.
Por informaziuns plü monüdes bastl cherdè sö Pitscheider Lucia 

Formulars y informaziuns:

Domanda por l'anuzamënt dla Ciasa de cultura a La Ila

Prîsc aladô dla delibera dla junta de comun nr. 155 di 07.08.2017

Atres informaziuns

Galeria fotografica