Le Comun de Badia informëia la popolaziun, che dal 01.10.2024 vëgnel tut demez les baraches de lëgn ciamò presëntes ti paisc por la racoiüda dl refodam de rest (sac vërc cun blasun dl comun) y dl refodam organich.
Chëstes les modalites de racoiüda y desgorta dl refodam de rest y dl refodam organich:
| Sort de refodam | Contignidù | Racoiüda / desgorta |
|---|
| REFODAM DE REST | Sac vërc cun blasun dl comun (20, 40 y 60 litri) | Da mëte ite tla baraca de lëgn dan le zënter de reziclaje de Sompunt |
| Bëna dal ciomënt da 1100 litri | Racoiüda mecanisada pro la sënta dl utënza |
| REFODAM ORGANICH | Contignidú de proprieté o condla dal ciomënt da 25 litri da podëi cumprè dal comun | Da juté tles bënes dal refodam organich tl zënter de reziclaje de Sompunt |
| Bëna dal ciomënt da 120 o 240 litri da podëi cumprè dal comun | Racoiüda mecanisada do les strades prinzipales dl comun tratan i dis alado dl calënder de racoiüda dl refodam |
Alternativa: Compost te urt de ciasa
Por la racoiüda y desgorta dles atres sortes de refodam da reziclé (p.ej. papir, cartun, spidl, y.i.i.) ne se müda nia.
Les bënes dal ciomënt da 25 y 120 litri por la racoiüda dl refodam organich é da podëi cumprè sön prenotaziun pro l’ufize dles cutes dl comun de Badia.
