Anuzamënt dles ciases plurifunzionales "Ciasa J.B.Runcher" a Badia, Ciasa dla Cultura a La Ila y "Ciasa J.B. Rinna" a San Ciascian - determinaziun dles tarifes

La Junta de Comun de Badia á definí danü les tarifes por l'adoranza dles strotöres polifunzionales Ciasa J.B. Runcher a Badia, Ciasa J.B. Rinna a San Ciascian y dla Ciasa de Cultura a La Ila. I salfs é metüs a desposiziun por manifestaziuns culturales, reuniuns, mostres y datres iniziatives, aladô de n sistem de tarifes partis sö te set categories, che tëgn cunt dla sort de porsones che fej domanda (residënc, assoziaziuns locales o esternes, dites, istituziuns scolastiches y turistiches) y dl adoranza. Les alisiraziuns preodüdes por assoziaziuns zënza fin de davagn y strotöres scolastiches respidlëia l'impëgn dl Comun da sostigní ativités soziales y culturales. I valurs aprová tol ite ince i cosć da puzené y l'adoranza de locai azessurs sciöche bar y ciasadafüch.